Një ditë më parë, në sallën e Kuvendit Komunës së Malishevës, u mbajt manifestimi tradicional letrar-kulturor i Shoqatës Kulturore-Letrare “Tafil Kelmendi”.
Manifestimi u mbajt në vigjilje të ditëlindjes së Dr.Tafil Kelmendi. Nëherit Shoqata për Kulturë dhe Letërsi , ‘Dr. Tafil Kelmendi’, tradicionalisht, ndanë çmim vjetor, i cili, i kësaj radhe, i takoi Salajdin Krasniqit, për kontributin e dhënë në krijimtarinë letrare dhe veprimtaritë e tjera në shërbim të atdheut e kombit.
Me këtë rast Kryetari i Komunës së Malishevës, Ekrem Kastrati, përshëndeti krijuesit e pranishëm në këtë manifestim me fjalët e tij të drejtpeshuara, duke shfaqur edhe mirënjohjen personale për krijuesit letrarë dhe rolin e tyre në promovimin e kulturës kombëtare, në veçanti për Salajdin Krasniqin, të cilit ia ndau çmimin letrar për vitin 2024, “Dr. Tafil Kelmendi” .
Kurse për jetën dhe veprën e tij foli Fadil Javori, kryetar i shoqatës, ku mes tjerash theksoi se Salajdini është krijues letrar që ka botuar shkrimet e tij prej viteve ’60-të e këndej, si dhe libra poetikë prej viteve të 80-ta. Së këndejmi, edhe Çmimi ishte meritor, për kontributin e tij të vyer në krijimtarinë letrare dhe për veprimtari në shërbim të atdheut dhe kombit. Aika botuar një varg veprash me karakter dokumentar, historik e publicistik kushtuar qytetit të prizrenit me vlera kulturore e historike.
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
