Kryetari i Komunës së Vitisë, Sokol Haliti, uron gjithë qytetarët me rastin e Vitit të Ri 2025

31/12/2024 Institucionet

Kryetari i Komunës së Vitisë, Sokol Haliti, përmes një telegrami urimi, përcjell urimet më të ngrohta për të gjithë qytetarët me rastin e Vitit të Ri 2025

Të nderuar qytetarë!
Përmes këtij urimi dëshiroj t’ju shpreh urimet më të sinqerta me rastin e Vitit të Ri 2025.
Urojë që ky vit për të gjithë ne të bëhet një vit plotë suksese dhe lumturi dhe t’a kremtojmë atë së bashku pranë familjarëve dhe dashamirëve tanë. Viti 2024 të cilën po lëmë pas, ka qenë një i mbushur me suksese të mëdha për komunën e Vitisë, por natyrisht jemi përballur edhe me sfida të cilat i kemi tejkaluar falë mbështetjes suaj dhe të miqve vitias, qoftë të atyre vendorë apo ndërkombëtarë. Janë po këta miq që na kanë ndihmuar në realizimin e projekteve të ndryshme në interes të përbashkët, pra sot pos urimit në këtë ditë festive ne ju jemi mirënjohës secilit prej tyre.
Falë angazhimit të përbashkët dhe mbështetjes së sinqertë, kemi arritur rezultate të rëndësishme në projekte infrastrukturore, ekonomike dhe arsimore duke përmirësuar cilësinë e jetës për të gjithë qytetarët.
Pra përfundimi i këtij për ne si qeverisje komunale shërben për të përmbledhur sukseset dhe sfidat që kemi pasur gjatë kësaj kohe dhe të hymë me vullnet dhe një fuqi të jashtëzakonshme që të vazhdojmë punën tonë në të mirën e komunës së Vitisë.
Pra lë të hyjmë në Vitin e Ri me shpresë, besim dhe vendosmëri për të arritur objektivat tona për të mirën e përbashkët. Ju dëshiroj paqe, harmoni dhe suksese në çdo hap që do të ndërmerrni në këtë vit dhe çaste sa më të bukura pranë familjes dhe dashamirëve.
Gëzuar Viti i Ri 2025!
Sinqerisht,
Kryetari i Komunës së Vitisë
Sokol Haliti

Kontrolloni gjithashtu

Kryetari Latifi Në takimin e fundit për këtë vit me drejtorët e drejtorive komunale ka vlerësuar punën e përbashkët

Në takimin e fundit për këtë vit me drejtorët e drejtorive komunale, kryetari i komunës …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara