Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kuvendit të Aleancës për Shqiptarët në Maqedoni të Veriut, Ziadin Sela, kishte njoftuar se do ta thërras për të shtunën e ardhshme Kuvendin e partisë, dhe pikë e rendit të ditës do të jetë, kërkimi i përgjegjësisë nga kryetari i partisë, Arben Taravari. Ndërkohë pas këtij lajmi alarmohet policia për një plumb të gjetur në mëngjesin e sotëm në oborrin e shtëpisë së kryetarit të Aleancës për shqiptarët, Arben Taravari, i cili kishte deklaruar se Aleanca për Shqiptarët, që prej shkurtit të vitit 2023 në koalicion qeverisës me LSDM dhe BDI, por e zhgënjyer sipas tij me Ali Ahmetin dhe PDSH-në e Menduh Thacit, ka vendosur t’i bashkohet opozitës shqiptare në zgjedhjet e 8 majit. Por themeluesi i kësaj partie Kryetar i Kuvendit Qendror, Ziadin Sela, e kundërshton kategorikisht një gjë të tillë. Sela la saktësuar se ai vetë, e as struktura të tjera të partisë nuk janë njoftuar paraprakisht, ndërsa e konsideron të papranueshëm koalicionin me partitë opozitare, që përfshin dhe partinë nacionaliste VMRO-DPMNE. Sela e quajti pabesi lëvizjen e Taravarit, i cili është pjesë e projektit politik përçarës të Albin Kurtit.
