Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i LDK-së, Lumir Abdixhiku, ka mbajtur një takim me qindra anëtarë të partisë në Gjenevë, Zvicër. Gjatë këtij takimi, ai bëri thirrje për angazhimin e mërgatës në proceset politike të Kosovës, duke theksuar rëndësinë e kontributit të tyre për “shpëtimin kombëtar”. Të majtët janë bashkuar dhe se është koha që të djathtët të ringriten në shtëpinë e madhe të demokracisë. Ai inkurajoi të pranishmit të rikthejnë besimin në LDK, duke e cilësuar partinë si shtëpinë e patriotëve të djathtë të Republikës së Kosovës. Në tubimin e organizuar për të festuar 34-vjetorin e themelimit të tri degëve të LDK-së në Zvicër, ai tha se bashkimi i së djathtës në Kosovë po ndodh dhe se është radha e mërgatës të kontribuojë në këtë proces. Abdixhiku kritikoi qeverisjen aktuale, duke e përshkruar Kosovën si të izoluar dhe të sanksionuar, pa investime dhe perspektivë arsimore, shëndetësore, e ligjore. Ai theksoi se në këto rrethana, patriotët dhe të djathtët nuk mund të qëndrojnë spektatorë, por duhet të angazhohen aktivisht për të ndryshuar situatën.
