Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Maqedonisë së Veriut, Stevo Pendarovski ka reaguar ndaj mënyrës së pritjes së kryeministrit të Kosovës, Albin Kurti në Tetovë dhe Çair. Ai ka kërkuar ndërmarrjen e masave ndaj organizatorëve të pritjes së tij në këto dy komuna. ”Organizatorët e tubimeve publike në Tetovë dhe Çair duhet të sanksionohen ligjërisht për shkeljen e dispozitave ligjore për përdorimin e flamurit dhe himnit shtetëror dhe flamujve dhe simboleve të komuniteteve, duke i injoruar plotësisht simbolet e shtetit. Në atë drejtim, i bëj thirrje organeve kompetente që sa më parë t’i kryejnë procedurat e parapara. Theksimi i ikonografisë provokuese nacionaliste që promovon ide shoviniste të shteteve të mëdha përfaqëson ndezjen e urrejtjes dhe intolerancës etnike, e cila pa mëdyshje sulmon parimet dhe vlerat themelore të Marrëveshjes Kornizë, si dhe konceptin e Maqedonisë si shtet multietnik” – thuhet në reagimin e kryetarit të Maqedonisë së Veriut, Stevo Pendarovski, me rastin e vizitës së kryeministrit të Kosovës, Albin Kurti në Tetovë dhe Çair.
