Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Nismës Socialdemokrate, Fatmir Limaj ka vizituar një biznes prodhues të pijeve dhe një fabrikë prodhimi dyer dhe dritare alumini në Suharekë, duke theksuar rëndësinë e zonës industriale për zhvillimin ekonomik të rajonit. Ai e vlerësoi këtë si një arritje të qeverisjes së Nismës, që ka kontribuar në ngritjen e kapaciteteve dhe zhvillimin ekonomik. Limaj ka kritikuar qeverinë aktuale për mospërkrahjen e bizneseve gjatë katër viteve të fundit, duke i lënë ato të neglizhuara dhe të pasigurta. Ai ka theksuar se politikat e qeverisë kanë penguar zhvillimin dhe rritjen e bizneseve, duke krijuar një atmosferë të pasigurisë dhe duke bllokuar mundësitë për krijimin e vendeve të reja të punës. Qeveria ka dështuar të mbështesë bizneset, duke penguar zhvillimin dhe rritjen e tyre. Nisma Socialdemokrate dhe unë personalisht do të angazhohemi për të krijuar kushte të përshtatshme për zhvillimin e bizneseve dhe do të luftojmë për mbështetje të vërtetë dhe për një politikë që ofron mundësi për çdo biznes që kontribuon në ekonominë e vendit, ka thënë Limaj.
