Zëvendës-kryeministri i Kosovës dhe lideri i Nismës Socialdemokrate, Fatmir Limaj, ka thënë se për të shkuar vendi në zgjedhje duhet të piqen kushtet. Sipas tij, kjo varet edhe nga puna që bën Qeveria e Kosovës. Ai në një intervistë për Kosovapress” ka vlerësuar se aktualisht Qeveria Haradinaj është duke i kryer punët e veta. “Zgjedhjet vijnë kur të piqen kushtet. Natyrisht me rregulla, zakonisht janë afatet ligjore. Çdo katër vite ka zgjedhje, por kjo nuk është diçka fikse, gjithmonë varet nga zhvillimet e gjithëmbarshme në vend. Pra, nga zhvillimet nga funksionimi i Qeverisë, nga puna që bën Qeveria e Kosovës dhe nga detyrat që i kryen. Praktikisht, duhet të krijohen kushtet nëse do të ketë nevojë për zgjedhje. Tani për tani Qeveria është duke i kryer punët e veta”, ka thënë Limaj. Megjithatë Limaj nuk e ka përjashtuar mundësinë e zgjedhjeve të reja.
![Limaj](https://www.radiokosovaelire.com/wp-content/uploads/fatmir-limaj-3-660x330.jpg)