Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Që nga fillimi i pandemisë Kosova ka pësuar humbje të madhe në fushën e ekonomisë. Shumë nga bizneset vendore kanë raportuar vlera të mëdha të humbjes financiare. E për t’i gjetur zgjidhje kësaj, ekonomistët në Kosovë shumë herë ka ngritur zërin që të miratohet Projektligji për rimëkëmbje ekonomike. Është kryetari i Odës Ekonomike të Kosovës, Berat Rukiqi i cili thotë se duhet një ligj për rikuperimin e dëmit që u shkaktua që nga fillimi i pandemisë. Ai ka thënë se nga 21 shtatori kanë filluar diskutimet intensive që të lehtësohet komunikimi pozitë-opozitë për harmonizimin e qëndrimeve për rimëkëmbjen ekonomike. Shifrat e mëdha të shkaktuara nga pandemia Rukiqi thotë se janë alarmante dhe se duhet të rikuperohen sa më shpejt që të mos krijohen dëme të tjera. E sa i përket diskutimit me partitë politike, nga pozita dhe opozita, i pari i OEK-ut thotë se edhe pse çështje prioritare për ta është politika sesa qytetarë, do të mundohen të flasin me ekspert të kësaj fushe brenda partive dhe të gjejnë zgjidhje. /arbresh.info/
