Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Dihet se liderë të ndryshëm politik kur bëhen pjesë e pushtetit, i shkelin parimet e tyre. Por Albin Kurti, ende pa e prekur pushtetin i ka shkelur ato. Protestat e tij të dhunshme dhe me viktima kanë qenë ndër manipulimet dhe mashtrimet e para të Vetëvendosjes në krye me Albin Kurtin. Në ato protesta është kundërshtuar “Pakoja e Ahtisarit”, por sot Albin Kurti me shokë përmes “Pakos së Ahtisarit” janë deputetë dhe marrin paga dhe mëditje të majme. Manipulimi dhe mashtrimi i radhës së Albin Kurtit ka qenë motoja e tij për “Bashkim Kombëtar”. Pastaj motoja “Jo negociata me Serbinë” ishte mashtrim, sepse tani me krenari tregon se si do t’i udhëheq negociatat me Serbinë dhe premton heqjen e taksës 100% ndaj produkteve të Serbisë.
Kryeministri në ardhje Albin Kurti nuk ka lënë gjë të zezë pa thënë për LDK-në dhe kryetarin e saj Isa Mustafën. Fillimisht e “kërcënoi” me 50 aktakuza në prokurori.
Pastaj e quajti vazal të Thaçit.
Pastaj e quajti argat të Serbisë.
Pastaj e akuzoj për vrasjen e Astrit Deharit.
Nga sulmet me fjalë kaloi në vepër, e sulmoi në parlament, pastaj në shtëpinë e tij, ministrat zv.ministrat e LDK-së ishin gjithashtu cak i sulmeve.
Albin Kurti deri më tani nuk e ka njohur shtetin e Kosovës, simbolet shtetërore dhe himnin e Kosovës. Tani thotë se do të gjitha i respektoj!
