Lulzim Basha

Kryetari i PD-së, Lulzim Basha publikoi një përmbledhje të propozimeve që u prezantuan në Kuvendin Programor të partisë

Kryetari i Partisë Demokratike, Lulzim Basha publikoi një përmbledhje të propozimeve kryesore që u prezantuan në Kuvendin Programor të PD-së. Basha u shpreh se “kjo është një ofertë transformuese për të gjitha shtresat e shoqërisë dhe grupet ekonomike, përmes të cilës tejkalohet situata në të cilën ndodhet vendi, për shkak të keqqeverisjes dhe korrupsionit”.Kreu i demokratëve theksoi gjithashtu se përkushtimi i PD është për qytetarët dhe jo te konfliktet e politikës së ditës. “Përkushtimi ynë për ndërtimin e alternativës që shqiptarët presin, është i gjithanshëm. Angazhimi ynë është të jemi zëri i qytetarëve, jo përcjellësit e konflikteve të politikës së ditës. Njerëzit presin më shumë, Partia Demokratike e Shqipërisë ofron më shumë”, tha Basha. Sipas tij, “ky program ambicioz përmban zgjidhje transformuese për të gjitha shtresat e shoqërisë dhe grupet ekonomike”. “Mirëqeverisja, antikorrupsioni, siguria, prona, të përndjekurit, familja, rinia, pensionistët, sipërmarrja, bujqësia janë pjesë e vizionit reformues të ekipit tonë, të bindur se Shqipëria meriton më shumë se bataku në të cilin ndodhet për shkak të keqqeverisjes dhe korrupsionit”, tha Basha.

Kontrolloni gjithashtu

Pagat më të larta të vendit do t’ i ketë treshja: Vjosa Osmani, Albin Kurti dhe Glauk Konjufca më të ulëtat, shërbyesit civilë

Qeveria Kurti shpall 238 konkurse në muajin mars

Gjatë muajit mars, Qeveria e Kosovës, e drejtuar nga Albin Kurti, ka shpallur një numër …