Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Prishtinës, Shpend Ahmeti, gjatë një takimi me këshilltarët komunalë deklaroi se rreziku kryesor për rritjen e numrit të të infektuarve me virusin korona vjen nga gastronomia, pasi bizneset e këtij sektori nuk po e respektojnë distancën. Ahmeti ka shtuar se gjatë diskutimeve lidhur me pandeminë është tërhequr vërejtja se në rast të një shpërthimi tjetër, viktimat mund të jenë më shumë se 1.000. Kemi pasur dje një takim me Naser Ramadanin dhe Armend Zemajn dhe duhet të mendojmë se a do ta kemi në kontroll situatën. Edhe në Maqedoni edhe në Kosovë po i shohim pasojat e festës së Bajramit. I kemi 38 raste aktive sot në komunë, shumica asimptomatikë. Ka raste që 33 ditë janë me virus, sipas IKSHPK-së, virusi zgjatë prej 3 deri në 38 ditë”, tha Ahmeti. Mendimi është që nuk bën të kthehemi në masat që i kemi pasur sepse është e vështirë qe t’i kthehemi kufizimit të lëvizjes. Profesor Ramadani thotë që situata aktualisht është e menaxhueshme por na ka tërhequr vërejtjet se nëse do të ketë shpërthim të rasteve do të kemi prej 800 deri 1600 fatalitete, tha kryetari Ahmeti.
