Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Rusisë, Vladimir Putin ka dënuar ashpër vrasjen e komentatores politike, Darja Dugina. Ai i dërgoi ngushëllimet e tij familjes së Dugina-s, duke e quajtur vdekjen e saj “një krim të poshtër dhe mizor”. Dugina ishte bija e ultranacionalistit të shquar rus, Alexander Dugin. Shërbimet Federale të Sigurisë Ruse më herët të hënën fajësuan shërbimet ukrainase të sigurisë për sulmin. Zëdhënësi i Gardës Kombëtare të Ukrainës, u përgjigj se autoritetet ukrainase për momentin nuk kanë asnjë përgjigje ndaj pretendimit. Në një deklaratë të botuar në kanalin Telegram të Kremlinit, Putin ka deklaruar: “Një krim i poshtër, mizor shkurtoi jetën e Daria Dugina-s, një personi të zgjuar, të talentuar me një zemër të vërtetë ruse – e sjellshme, e dashur, simpatike dhe e hapur. Gazetare, shkencëtare, filozofe, korrespondente lufte, ajo i shërbeu me ndershmëri popullit, atdheut, e vërtetoi me vepër se çfarë do të thotë të jesh patriot i Rusisë”, saktësoi, me këtë rast kryetari i Rusisë, Vladimir Putin. (Dita)
