Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Shqipërisë, Bajram Begaj, është dhëndri i kolonelit të ndjerë shqiptar, Hysen Ymerit, sërtvitësi i komandantëve më të përkushtuar të Ushtrisë Çlirimtare të Kosovës. Adem Jashari, Zahir Pajaziti, Sali Çekaj e shumë luftëtarë të tjerë ishin për një kohë nën urdhrat e vjehrrit të kryetarit, Begaj. Stërvitjet kanë filluar në vitin 1991, kur në Shqipëri po bëheshin gati për luftën e ardhshme çlirimtare në kampet stërvitore të Ushtrisë shqiptare. Hysen Ymeri, për së afërmi ka pasur rastin jo vetëm t’i shohë heronjtë e Kosovës, por edhe t’ua japë atyre përsosmërinë luftarake. E bija e Ymerit quhet Armanda. Zonja e Parë e shtetit shqiptar, sipas medias tiranase, punon në Kontrollin e Lartë të Shtetit, si inxhiniere e teknologjisë. Çifti Begaj kanë edhe dy djem. Gjatë luftës së Kosovës 1998-1999, Shtabi i Përgjithshëm i Forcave të Armatosura të Shqipërisë, ia besoi kolonel Hysen Ymerit detyrën e krijimit dhe komandimit e Forcave Speciale, të quajtura në atë kohë “Delta Force” në Shqipëri, sipas modelit dhe përvojës amerikane.Pak para se të vdiste, Ymeri botoi edhe librin me kujtime, “Stërvitëm dhe Adem Jasharin”.
