Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Shqipërisë, Bajram Begaj, në 115-vjetorin e lindjes përkujtoi doktor, profesor, Eqrem Çabejn, albanologun më të madh dhe më të njohur të shkencave albanologjike. Ai ka shkruar me këtë rast se Shpreh gjithë nderimin dhe mirënjohjen si kryetar i Republikës së Shqipërisë për Prof. Eqrem Çabejin, sot në 115-vjetorin e lindjes së tij, jeta dhe vepra e të cilit e bëjnë akademikun tonë të madh, emrin më përfaqësues të shkencave albanologjike. Çabej vlerësohet si albanologu që argumentoi më tej faktin se shqiptarët janë autokton në trojet e të parëve. “Me përkushtimin, vizionin dhe punën e palodhur prej patrioti të madh dhe intelektuali të shquar, si shkencëtar i rendit të parë, por edhe si dijetar, mendimtar dhe pedagog brilant, Eqrem Çabej jo vetëm i dha identitet shkencor akademizmit shqiptar, por ç’është më e rëndësishme i çeli horizonte të qarta duke e orientuar atë kah hullia e duhur, në të mirë të zbulimit dhe argumentimit shkencor të autoktonisë së shqiptarëve në trojet e të parëve të tyre, të vazhdimësisë iliro-shqiptare, të etnogjenezës ilire dhe prejardhjen e shqiptarëve prej tyre”, shkruan kryetari i Shqipërisë, Bajram Begaj.
