Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Turqisë, Rexhep Tajip Erdogan është shprehur i gatshëm të marrë rolin e ndërmjetësuesit mes Rusisë dhe Ukrainës, ndërkohë që tensionet janë në rritje. Mediet në Turqi bëjnë të ditur se Erdogan do të udhëtojë në Ukrainë në fillim të shkurtit. Qëllimi i tij është të bindë liderët e dy vendeve që të takohen sa më shpejt të jetë e mundur. “Kam një vizitë në Ukrainë në fillim të muajit të ardhshëm,” tha Erdogan në një konferencë shtypi me presidentin e El Salvadorit, në Ankara. Më herët, një zëdhënës i tij tha se Erdogan kishte ftuar liderët e Rusisë dhe Ukrainës në Turqi për të diskutuar dhe zgjidhur mosmarrëveshjet e tyre. Ndërkohë, kryetari amerikan Joe Biden tha sot se ia kishte bërë të qartë homologut të tij rus, Vladimir Putin, se çdo lëvizje e trupave ruse në territorin ukrainas do të konsiderohej një pushtim. Duke folur me gazetarët të mërkurën, Biden paralajmëroi se Rusia do të paguante një çmim të rëndë nëse pushton Ukrainën dhe se Shtetet e Bashkuara kishin përgatitur një paketë sanksionesh në rast të një eventualiteti të tillë.
