Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Turqisë, Rexhep Taip Erdogan, ka qëndruar për një vizitë në Tiranë. Erdogan, u prit në takim fillimisht nga kryetari i Shqipërisë, Bajram Begaj pastaj nga kryeministri, Edi Rama. Në konferencën e përbashkët me kryetarin e Turqisë, Erdogan, kryeministri Edi Rama tha se dy vendet ranë dakord që duhet ë bërë më shumë për investime të drejtpërdrejta në turizëm. Ndër të tjera Rama tha se ‘sa më shpejtë të arrijmë 2 miliardë eurove për të shkuar në një fazë të dytë të këtyre shkëmbimeve. Së pari dua të përsëris për të satën herë, qysh kur presidenti ka ngjitur shkallët e kësaj godine, falënderimet dhe shprehjen më të sinqertë të mirënjohjes për vizitën sot në Tiranë, së bashku me një pjesë të konsiderueshme të ekipit të tij të qeveritar. Shqipëria dhe Turqia i kanë konsoliduar marrëdhëniet e tyre vitet e fundit dhe kanë firmosur dokumentin e bashkëpunimit strategjik, ndërsa disa projekte janë duke u zbatuar. Turqia konsiderohet një nga vendet më të rëndësishme për Shqipërinë dhe mbështetëse e fuqishme e saj në arenën ndërkombëtare.
