Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Turqisë, Rexhep Tajip Erdogan ka akuzuar Izraelin për terrorizëm shtetëror dhe gjenocid pasi ushtria izraelite në Gaza vrau të paktën 58 palestinezë dhe plagosi 2.700 të tjerë. Ky akt mizor i ushtrisë izraelite ka bërë që Turqia të thërrasë ambasadorët e saj në Izrael dhe Shtetet e Bashkuara. “Izraeli po mbjell terrorizmin shtetëror, Izraeli është një shtet terrorist”, i tha Erdogan studentëve të Turqisë në Londër në një fjalim televiziv. “Ajo që bën Izraeli është gjenocid, e dënoj këtë tragjedi që erdhi nga Izraeli ose nga Amerika”, shtoi presidenti turk, i cili deklaroi tri ditë zie në tërë vendin ndërkohë që premten pritet të mbahen protesta të mëdha. Turqia njëkohësisht ka bërë thirrje për konsultime me ambasadorët e saj në Tel Aviv, Uashington, ka thënë para gazetarëve nënkryetari i qeverisë turke.
