Kryetari Ilazi jep intervistë në dokumentarin “Qasje për të gjithë”

30/11/2017 Institucionet

Në kuadër të projektit “qasje për të gjithë” që është duke u implementuar nga të rinjtë e Komunës së Kaçanikut, është duke u përgatitur edhe një dokumentarë që shpalos brengat dhe problemet me të cilat përballen personat me nevoja të veçanta. Pjesë e këtij dokumentari është edhe intervista e Kryetarit Besim Ilazi, i cili foli për përkrahjen dhe mbështetjen që i ka dhënë kësaj pjese të shoqërisë si kryetar komune. Ai theksoi se Komuna e Kaçanikut për çdo vit subvencionon shoqatën “Handikos” me një shumë të caktuar që të kryej disa aktivitete, ndërsa tha se ka përkrahur edhe projektet që janë mbështetur nga organizata ndërkombëtare. Së fundi Komuna e Kaçanikut ka përkrahur me 20 % të shumës së përgjithshme projektin e HANDIKOS-it të financuar nga Ambasada Amerikane në vlerë 20 mijë dollar, që parasheh aktivitete të ndryshme për personat me nevoja të veçanta. Kryetari po ashtu përgëzoi të rinjtë për nismat vullnetare që vazhdimisht po bëjnë, me projekte që kanë për qëllim sensibilizimin e shoqërisë në përgjithësi që të përkrahin edhe grupet e margjinalizuara në shoqëri.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara