Kryetari Ilazi viziton punimet në dy projekte të mëdha kapitale në Kaçanik

09/10/2017 Institucionet

Kryetari i Komunës së Kaçanikut Beism Ilazi me bashkëpunëtorë, vizitoi vendpunishtën në dy projekte të mëdha kapitale në Kaçanik, projekti ”Ndërtimi i kanalizimit fekal në fshatrat: Elezaj, Duraj, Gabrricë, Prushaj, Gërlicë, Bajnicë si dhe Doganaj ( lagjet Lush, Dedaj, Gjoklar, Koxhaj, Gabrricë, Sokol, Rakaj dhe Berishë) si dhe projekti “Sanimi, rikonstruimi dhe shtimi i kapaciteteve ujore për sistemin ekzistues për furnizim me ujë për 9 fshatrat e Komunës së Kaçanikut” ku janë të përfshira fshatrat Nikaj, Rekë, Dubravë, Soponicë, Doganaj, Elezaj, Koxhaj, Sllatinë, dhe Kaçanik i Vjetër. Kryetari Ilazi vlerësoi ecurinë e punimeve në këto projekte, ndërsa shtoi se këto dy projekte madhore në Komunën e Kaçanikut do të ndikojnë drejtpërsëdrejti në mirëqenien e qytetarëve të këtyre fshatrave. Drejtori për Shërbime Publike dhe Emergjenca Ramadush Osmani, tha se këto projekte tashmë kanë hyrë në vlugun e punimeve, ku sa i përket projektit të ujësjellësit punimet janë duke vazhduar në shtrirjen e gypit furnizues prej peshores kryesore në drejtim të rezervarit në drejtim në Nikaj dhe Soponicë. Ndërkohë sa i përket projektit të rregullimit të kanalizimit, punimet janë duke u zhvilluar në segmentet në drejtim të fshatit Gerlicë e Epërme dhe koxhaj e Gjoklar. Projekti i ndërtimit të kanalizimit do të kushtoj 300 e 12 mijë euro. Ky projekt është financuar nga Ministria e Mjedisit dhe Planifikimit Hapësinor në bashkëfinancim me Komunën e Kaçanikut, ndërsa projekti i rregullimit të ujësjellësit do të kushtoj afër një milion euro, investim i tërësishëm i Ministrisë së Mjedisit dhe Planifikimit Hapësinor.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara