Kryetari Ismajli po merr pjesë në Konferencën “Qeverisja Lokale në Evropën Juglindore 2022”

15/12/2016 Institucionet

Kryetari i Asociacionit të Komunave të Kosovës dhe kryetari i NALAS-it (Rrjeta e Asociacioneve të Autoriteteve Lokale në Evropën Juglindore) z.Naim Ismajli po merr pjesë në punimet e Konferencës “Qeverisja Lokale në Evropën Juglindore 2022” e cila po mbahet në Podgoricë të Malit të Zi.

Qëllimi i kësaj Konference është ndarja e praktikave dhe zhvillimi i vizionit të përbashkët për të ardhmen e qeverisjes lokale në Evropën Juglindore me përfaqësues relevant nga Asociacionet e Qeverisjes Lokale, përfaqësues të organizatave ndërkombëtare dhe rajonale dhe aktorë të tjerë të involvuar në procese të qeverisjes lokale. Temat kryesore do të jenë lidhur me decentralizimin, vizionin 2022 dhe masat antikorrupsion në këtë pjesë të Evropës.

Kryetari Ismajli në hapje të këtij takimi tha se “jetojmë në kushte shumë dinamike, zhvillime të pa-parashikueshme që na atakojnë të gjithëve, si qytetarë ashtu edhe si udhëheqës të komunave. Gjithçka që do të diskutojmë tani do të jetë kontribut i drejtpërdrejtë për Strategjinë e re të NALAS-it 2018-2022. Ajo që neve si organizatë në NALAS na dallon nga të tjerët është se kemi potencial të madh me 9000 komuna të përfaqësuara nga 15 asociacione, kemi ekspertizë dhe ajo që është me rëndësi se jemi kreativ – tha ndër të tjera kryetari Ismajli.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara