Kryetari Jashari, priti në vizitë zëvendësministrin në detyrë të Punëve të Brendshme dhe Administratës Publike, Bajram Gecaj

05/05/2020 Institucionet

I pari i Komunës së Skenderajt, Bekim Jashari, priti në vizitë zëvendësministrin në detyrë të Punëve të Brendshme dhe Administratës Publike, Bajram Gecaj. Gjatë këtij takimi, Kryetari Jashari, njoftoi zëvendësministrin Gecaj, për gjendjen aktuale që është në Skenderaj si dhe për masat që ka ndërmarrë komuna për tejkalimin e kësaj situate. Jashari po ashtu informoi se në komunën e Skenderajt aktualisht të gjithë të prekurit me COVID-19 janë shëruar duke rezultuar kështu negative në të gjitha testet e bëra. Në anën tjetër në këtë takim u diskutua edhe për neglizhencën që i ka bërë niveli qendror komunave, duke mos i`u ofruar asnjë ndihmë nga buxheti i ndarë nga Qeveria e Republikës së Kosovës për tejkalimin e kësaj gjendje. Kurse për menaxhimin e situatës së pandemisë, Komuna e Skenderajt ka bartur nga drejtoria e urbanizmit, 139 mijë euro për mbulimin e shpenzimeve, kërkesave dhe nevojave që vijnë si pasoj e këtij virusi. Kryetari Jashari së bashku me zëvendësministrin Gecaj, vizituan stacionin policor në Skenderaj për të parë nga afër punën që po bëhet e po ashtu edhe problemet me të cilat ballafaqohet stafi policor. Në fund të takimit, Jashari dhe Gecaj nderuan familjen Jashari duke bërë homazhe të kompleksi memorial “Adem Jashari”, në Prekaz.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara