Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komunës së Malishevës, Ekrem Kastrati, e ka pritur sot në vizitë zyrtare, ambasadorin e Republikës së Shqipërisë, Qemal Minxhozi, me të cilin kanë biseduar për thellimin e bashkëpunimit në mes të Malishevës dhe qyteteve tjera në Shqipëri, në veçanti në fushën e agroturizmit dhe agrobiznesit. Kryetari Kastrati, e ka falënderuar për vizitën, ambasadorin Minxhozi, ndërsa e vlerësoi shumë të rëndësishëm, thellimin e bashkëpunimit në mes të komunave në Kosovë dhe Shqipëri. “Bashkëpunimi në mes komunave dhe qyteteve ka rëndësi të madhe për ne, në thellimin e bashkëpunimit në kulturë, në agroturizëm dhe mbi të gjitha në zhvillimin ekonomik”, tha kryetari Kastrati, i cili edhe e vlerësoi shumë lartë përvojën e Republikës së Shqipërisë, e cila është e nevojshme për ne. Ambasadori i Republikës së Shqipërisë, Qemal Minxhozi, e vlerësoi si një vizitë të mirë, me diskutime të hapura për thellimin e bashkëpunimit të Malishevës me komunat apo qytetet në Shqipëri, shkëmbimin e përvojave, sidomos në fushën e agroturizmit dhe agrobiznesit, pasi Malisheva e këtë potencial. “Bashkëpunimi duhet të thellohet në të gjitha fushat, e sidomos në shfrytëzimin e potencialeve për agroturizëm dhe agrobiznes, pasi kjo ndihmon në zhvillimin e turizmit dhe zhvillimin ekonomik dhe kulturor dhe besoj nga muaji dhjetor do të fillohet të konkretizohet ky bashkëpunim”, tha ambasadori Minxhozi.
