Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komunës së Malishevës z.Ekrem Kastrati me anë të një video-adresim ka uruar gjithë qytetarët e Komunës së Malishevës dhe mërgatën me rastin e Vitit të Ri 2025 duke ju uruar më shumë shëndet, lumturi e suksese pafund.
Urimi i kryetarit Kastrati:
“Qytetarë të nderuar të Komunës së Malishevës, mërgatë e dashur ju që keni ardhur në vendlindje dhe ju që nuk keni pasur mundësi që të jeni pranë familjeve tuaja në këtë natë festive të ndërrimit të motmoteve.
Ju përshëndes nga zemra dhe uroj se po kaloni momente të mira këtu e kudo që keni zgjedhur të kaloni festën e fundvitit. Po e përmbyllim një vit aspak të lehtë i cili na ka përcjellur me angazhime e sfida të shumta gjithmonë në funksion të arritjesë sa më parë të përfundimit të projektit më të madh zhvillimor që ndonjëherë ka bërë komuna jonë, atë të Malishevës Urbane.
Gjatë këtij viti që po lëmë pas ju them shumë sinqerisht së unë me bashkëpuntorët e mi të qeverisjes sonë komunale, dhe gjithë administrata jonë jemi munduar të bëjmë maksimumin që juve të ofrojmë shërbime të mira dhe në kohë. Si rezultat i kësaj komuna jonë është futur në mesin e pak komunave që kanë fituar grantin e performancës komunale e mbi të gjitha ditëve të fundit jemi renditur si komuna më e mirë në Kosovë, sa i përket realizimit të buxhetit për investime kapitale.
Por jam plotësisht i vetëdijshëm se gjatë këtij rrugëtimi njëvjeçar të punës sonë, ne mund të kemi bërë edhe gabime, nëse nga gabimet tona ndonjë nga qytetarët tanë është prekur kërkojmë shumë të falur. Në vitin që po hyjmë na pret shumë punë e madhe dhe unë pres të punojmë bashkë me ju për investime të reja në qytet dhe rikthimin e investimeve nëpër fshatra. Mos harroni ju jeni motivi më i madh i punës sonë. Uroj e besoj që në vitin 2025, zoti të bekoj të gjithë pa dallim, për më shumë shëndet, lumturi e sukses pafund. Uroj të kaloni sa më bukur sonte. Gëzuar vitin e Ri 2025!
Në linkun e mëposhtëm mund të klikoni video-adresimin e kryetarit Kastrati
https://www.facebook.com/ekremkastrati1970/videos/1109386110377130/
