Kryetari Kastrati i përkrahë bletarët e Komunës së Malishevës

27/07/2022 Institucionet

Kryetari i Komunës së Malishevës, Ekrem Kastrati, bashkë me kryesuesin e Kuvendit, Argjend Thaçi, dhe drejtues të Drejtorisë së Bujqësisë, Pylltarisë dhe Zhvillimit Rural, kanë zhvilluar një takim me disa nga bletarët e Komunës së Malishevës. Kryetari Kastrati, gjatë këtij takimi me bletarët tha se, takimet e tilla janë tejet të rëndësishme, sepse po kemi mundësi të ju informojmë për të gjitha nismat tona si qeverisje komunale në funksion të përkrahjes së sektorit të bujqësisë, me theks të veçantë sektorin e bletarisë, si dhe një mundësi shumë e mirë që të bashkëbisedojmë edhe për sfidat e ardhshme, se cilat janë hapat më të mirë që bashkërisht ti qasemi zhvillimit të bujqësisë në Malishevë. Kryetari Kastrati, me theks të veçantë foli për vendimin e tij për përkrahjen e bletarëve të komunës së Malishevës përmes pagesave direkte, dhe për fazën në të cilën është ky proces ku pritet të jenë rreth 125 përfitues me rreth 5 mijë koshere bletësh në total. Gjithashtu, kryetari Kastrati tha se gjithë angazhimi ynë është që përmes kësaj përkrahje që po i japim sektorit të bujqësisë, në një të ardhme të afërt në tryezat e familjeve malishevas të kemi sa më shumë produkte vendore. Gjithashtu, përfituesit e bletarëve kanë falënderuar kryetarin Kastrati dhe Drejtorinë e Bujqësisë bashkëpunimin, kujdesin dhe përkrahjen që po i japin sektorit të bletarisë dhe në përgjithësi zhvillimit të bujqësisë në komunën e Malishevës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara