Kryetari Kastrati, ka zhvilluar një takim pune me drejtuesit e Grupit Lokal të Veprimit “Llapusha”

20/12/2024 Institucionet

Kryetari i Komunës së Malishevës, Ekrem Kastrati, ka zhvilluar një takim pune me drejtuesit e Grupit Lokal të Veprimit (GLV) “Llapusha”, të prirë nga kryetari i tyre, Milaim Morina. Gjatë takimit, kryetari Kastrati ka shprehur mbështetjen e tij të pakursyer për punën dhe aktivitetet e GLV “Llapusha”, duke theksuar rëndësinë e tyre në shërbim të qytetarëve.

Drejtuesit e GLV “Llapusha” e njoftuan kryetarin Kastrati mbi punën e tyre të deritanishme dhe aktivitetet që do të zhvillojnë në të ardhmen. Një nga pikat kryesore të diskutimit ishte hartimi i Strategjisë Zhvillimore Lokale, e cila synon të adresojë nevojat aktuale të komunitetit dhe të shërbejnë si bazë për planifikimet e ardhshme të komunës. Gjithashtu, ata prezantuan katalogun e prodhuesve të komunës, që shërben si udhërrëfyes për tërheqjen e investitorëve në fushat me interes ekonomik.

Nga ana e tij, kryetari Ekrem Kastrati vlerësoi punën e GLV “Llapusha” dhe garantoi mbështetjen e tij të plotë për realizimin e projekteve konkrete, të cilat janë në funksion të përmirësimit të jetës së komunitetit. Ai theksoi se bashkëpunimi me GLV “Llapusha” është i domosdoshëm për të siguruar që zhvillimi lokal të jetë i qëndrueshëm dhe i përputhur me nevojat e qytetarëve.

Kontrolloni gjithashtu

2 Prilli – Dita Botërore e Autizmit

Autizmi nuk është kufizim, por një mënyrë e ndryshme e të shikuarit dhe të përjetuarit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara