Kryetari Kastrati priti në takim përfaqësuesit e GIZ-it gjerman në Kosovë

22/02/2022 Institucionet

Kryetari i Komunës së Malishevës, Ekrem Kastrati, ka pritur në takim përfaqësues të GIZ-it gjerman dhe të Ministrisë së Mjedisit, Planifikimit Hapësinorë dhe Infrastrukturës, të kryesuar nga Stefan Mager, drejtori i GIZ-it për projektet që kanë të bëjnë me menaxhimin e mbeturinave në komunat e Kosovës.

Kryetari Kastrati dhe drejtori Mager, diskutuan për temat e ndërlidhura me fushën e menaxhimit të Mbeturinave, përfshirë këtu planifikimin strategjik të investimeve nga Granti i Performancës Komunale- Mjedisi i Pastër, rezultatet nga performanca komunale, si dhe temat tjera relevante me interes për komunën e Malishevës.

Kryetari Kastrati shprehi falënderimin e tij dhe të Komunës së Malishevës për Qeverinë Gjermane, BE-në dhe gjithë akterët tjerë që po kontribuojnë në përkrahje të komunës së Malishevës, si dhe shprehi gatishmëri për të bashkëpunuar në funksion të përmirësimit të procesit të mbledhjes dhe trajtimit të mbeturinave dhe për çfarëdo nisme tjetër që ka të bëj me zhvillimin e qëndrueshëm mjedisor.

Projekti “Shërbime të Qëndrueshme Komunale” zbatohet nga GIZ-i në emër të Qeverisë Gjermane dhe me bashkëfinancim nga BE, në bashkëpunim të ngushtë me Ministrinë e Mjedisit, Planifikimit Hapësinor dhe Infrastrukturës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara