Kryetari Kastrati uron banorët e Gurbardhit për rrugët e reja

21/08/2024 Institucionet

Në kuadër të realizimit të projekteve kapitale dhe kërkesave të qytetarëve, për përmirësimin e infrastrukturës, janë asfaltuar disa rrugë në fshatin Gurbardh të komunës së Malishevës. Ky investim është pjesë e projekteve të mëdha që po realizohen për rregullimin e infrastrukturës në fshatrat e Komunës së Malishevës. Asfaltimin e rrugëve e kanë ndjekur nga afër kryetari i Komunës së Malishevës, Ekrem Kastrati, dhe drejtori i urbanizmit, Avdi Morina. Gjatë vizitës së tyre në Gurbardh, ata u takuan edhe me banorët e fshatit, të cilët i ka uruar për rrugët e reja, ndërsa banorët shprehën mirënjohjen për investimin dhe përmirësimin e kushteve, pasi kjo ndihmon në lëvizjen më të lehtë për ta. Kryetari Kastrati tha se asfaltimi i rrugëve do të vazhdojë edhe në ditët në vijim në fshatra të tjerë të komunës, duke nënvizuar se ky është vetëm një nga shumë projektet që janë duke u realizuar për ndërtimin e infrastrukturës rrugore në vendbanimet e Komunës së Malishevës.

Kontrolloni gjithashtu

Kryetari Aliu ka pritur në takim Kryetarin e posazgjedhur të Organizatës së Veteranëve të Luftës së Ushtrisë Çlirimtare të Kosovës – dega në Ferizaj, Afrim Mehmeti

Kryetari i Komunës së Ferizajt, z. Agim Aliu ka pritur në takim kryetarin e posazgjedhur …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara