leoni

KRYETARI KUÇI: NË BETEJËN KUNDËR COVID-19 NA MUNGON DR. ABAZ (CENË) KRASNIQI

13/08/2020 Institucionet

Kryetari i komunës së Junikut, Agron Kuçi, në një intervistë për gazetën lokale të Pejës “Zarfi Info”, tha se askush nuk mund ta mohojë faktin se shëndetësia kosovare ka profesionist të shkëlqyer, sepse siç tha ai, kjo më së miri është dëshmuar gjatë kohës së pandemisë. “Askush nuk mund ta mohojë faktin se shëndetësia kosovare ka profesionist të shkëlqyer dhe të palodhshëm, puna e të cilëve më së miri është dëshmuar muajve të fundit, gjegjësisht në luftën kundër përhapjes së pandemisë COVID-19”, tha kryetari Kuçi, duke rikujtuar kështu sfidat dhe vështirësitë nëpër të cilat kanë kaluar profesionistët shëndetësor. “Shpesh herë në rrjetet sociale dhe në mediat tona kemi pasur mundësi ti shohim sfidat dhe vështirësitë me të cilat janë ballafaquar dhe vazhdojnë të ballafaqohen mjekët dhe infermierët tanë dhe asnjëherë nuk janë dorëzuar. Kemi parë fotografi dhe video-xhirime amatore nga pacientët se si këta heronj flenë dhe pushojnë në korridoret e spitalit. Madje, shumë prej tyre me javë apo me muaj nuk janë takuar me më të dashurit e tyre. Kjo nënkupton se shëndeti dhe jeta e qytetarëve janë në vend të parë, madje edhe para familjes”, tha kryetari Kuçi, duke shtuar se gjatë kësaj periudhe ka filluar të ndjehet mungesa e shumë mantelbardhëve tashmë të ndjerë, kontributi i të cilëve do të ishte mese i domosdoshëm. “Komuna e Junikut dhe në përgjithësi shëndetësia kosovare tanimë ka filluar ta ndjejë mungesën e shumë profesionistëve tashmë të ndjerë, kontributi i të cilëve gjatë kësaj periudhe do të ishte i domosdoshëm dhe i pazëvendësueshëm. Në mesin e shumë emrave që i mungojnë shëndetësisë kosovare në këtë betejë të lodhshme dhe tejet të mundimshme është edhe emri i Dr. Abaz (Cenë) Krasniqit, mjekut dhe veprimtarit të shquar të çështjes kombëtare për liri dhe pavarësi”, tha kryetari i komunës së Junikut, Agron Kuçi, duke e kujtuar kështu Dr. Abazin si profesionistin dhe njeriun më të përkryer që ka takuar në jetën e tij. Mes tjerash, kryetari Kuçi ka apeluar tek të gjithë qytetarët e Kosovës që në përpikëri ti respektojnë masat e Qeverisë së Kosovës për parandalimin e përhapjes së COVID-19.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara