Kryetari Latifi dhe Ministri Demiri nënshkruajnë Marrëveshje Mirëkuptimi me vlerë prej 135 mijë e  500 euro, për projektin “Shtigjet e ecjes”

13/04/2018 Institucionet

Kryetari i Komunës së Rahovecit, Smajl Latifi dhe Ministri i Ministrisë së Zhvillimit Rajonal Rasim Demiri, kanë nënshkruar Marrëveshjen e Mirëkuptimit për mbështetjen e projektit “Shtigjet e ecjes”, në qytetin e Rahovecit. Pas nënshkrimit të marrëveshjes, Kryetari i Komunës së Rahovecit, Smajl Latifi ka thënë se ndihem mirë se do të bëhet realitet zotimi im publik për t’u ngjitur me shkallë deri në Majën e Shkodranit. Po ashtu, jam i sigurt se në këtë zonë të patrajtuar deri tani, në të ardhmen e afërt, pritet të merr krahë zhvillimi ekonomik, me theks të veçantë agroturizmi dhe turizmi kulturor. “Dua të shpreh falënderimin për bashkëpunëtorët e mi në Komunë që kontribuuan për përgatitjen e mirë të projektit, Komunën e Malishevës e cila është pajtuar që Rahoveci të jetë komunë lidere në projekt, si dhe mbështetjen e arsyeshme të stafit të MZHR, ministrit, zv.ministrave, pa e harruar as zv.ministrin  Musa Cena”, ka thënë ndër të tjera Kryetari Latifi. Bazuar në marrëveshjen e nënshkruar, MZHR-ja për këtë vit do ta përkrah financiarisht realizimin e këtij projekti “Shtigjet e ecjes” në shumën prej 125.000 euro, ndërkaq Komuna e Rahovecit, nga buxheti i saj i vitit 2018 do ti ndaj 10.500 euro, ndërsa vlera totale është 135 mijë e 500 euro.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara