Kryetari Latifi ka mbajtur debatin e dytë publik me qytetarë për punën njëvjeçare të qeverisjes komunale

23/12/2019 Institucionet

Kryetari i komunës së Rahovecit Smajl Latifi, në prani të nënkryetarit, Kryesuesit, drejtorëve të drejtorive, kryetarëve të këshillave të fshatrave dhe lagjeve urbane, drejtorëve të shkollave, punonjësve të QKMF-së, anëtarë të shoqërisë civile, OJQ të ndryshme dhe qytetarë të shumtë, ka paraqitur një informatë rreth punës një vjeçare të qeverisjes për këtë vit kalendarik 2019 si dhe një plan të punës për vitin 2020 e që do të publikohen edhe në web-faqen e komunës së Rahovecit. Kryetari Latifi në postimin e tij në facebook ka thënë: Pranuam pyetje, kërkesa dhe sugjerime por edhe vërejtje nga kryetarët e fshatrave dhe anëtarë të shoqërisë civile, të cilave u dhashë përgjigjen dhe e mirëprita gatishmërinë e tyre për bashkëpunim si një mundësi e mirë për të rregulluar punën tonë në të mirën e qytetarëve dhe në të mirën tonë të përgjithshme. Në shenjë falënderimi për punën, kontributin dhe bashkëpunimin ndamë Mirënjohje për kryetarët e këshillave të fshatrave dhe lagjeve, për OJQ-të dhe familjet strehuese të cilat u dolën në ndihmë familjeve të bashkëvendësve tanë të ikur nga tërmeti. Përherë falënderues për idetë dhe bashkëpunimin e ndërsjellë që asnjëherë nuk na ka munguar! Të përkushtuar për një sistem transparent si një ndër parimet themelore për një qeverisje cilësore dhe të besueshme! Ka thënë kryetari Latifi në postimin e tij në facebook.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara