Kryetari Latifi ka nënshkruar marrëveshjen për dizajnimin e sheshit qendror të qytetit të Rahovecit

06/11/2019 Institucionet

Në prani të nënkryetarit, Fatmir Iska dhe drejtorit të Urbanizmit, Rumir Zhuniqi, Kryetari i komunës së Rahovecit Smajl Latifi ka nënshkruar marrëveshjen për hapjen e konkursit ndërkombëtar për dizajnimin e sheshit qendror të qytetit të Rahovecit. Marrëveshja është arritur mes UN-HABITAT-it, agjenci e Kombeve të Bashkuara të cilën e përfaqëson Gwendoline Mennetrier, kryekëshilltare teknike për bashkëpunim në planifikimin hapësinor dhe komunës së Rahovecit. Bartëse e këtij procesi është Drejtoria e Urbanizmit e cila është duke u përkujdesur që projekti të përcillet nga procedura tejet transparente dhe moderne, duke bashkëpunuar ngushtë me UN- HABITAT- in. Për sheshin që do të ndërtohet në Rahovec, secili qytetar do ta ketë mundësinë që ta thotë fjalën e vet përmes organizimit të debateve që pritet të bëhen për këtë projekt. Fusha e zhvillimit hapësinor, në mënyrë progresive është duke shkuar drejt standardeve evropiane dhe parimeve ndërkombëtare për urbanizimin e qëndrueshëm dhe për qeverisjen e mirë urbane. Në përgjigje të kësaj, falënderoj drejtorin e Urbanizmit për angazhimin dhe UN-HABITAT-in e cila ka ofruar përkrahje teknike për planifikim.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara