Kryetari Latifi, ka pritur në takim ushtruesin e detyrës së Kryeshefit të KRU “Gjakova”, Visar Hasi

20/01/2022 Institucionet

Kryetari i komunës së Rahovecit Smajl Latifi, e ka pritur në një takim ushtruesin e detyrës së Kryeshefit të KRU “Gjakova”, Visar Hasi, me të cilin ka diskutoar për gjendjen e furnizimit me ujë në komunën e Rahovecit, për investimet e reja që janë duke u bërë si dhe për nevojën e madhe për zgjerimin e rrjetit në fshatrat Senoc, Drenoc dhe në Rahoveci III, që shtrihet deri në fshatin Opterushë. Gjithashtu kryetari Latifi ka kërkuar sanimin e shpejtë të defekteve, të cilat krijojnë probleme në furnizimin e rregullt me ujë në pjesë të ndryshme të komunës së Rahovecit. Janë diskutuar edhe problemet e paraqitura në furnizim me ujë në fshatrat Vrajakë dhe Bratotin dhe është kërkuar normalizim sa më i shpejt i furnizimit. Po ashtu, me z. Hasi u pajtuan për koordinim më të mirë për projektet infrastrukturore, në mënyrë që të mos shkaktohen dëme në infrastrukturën nëntokësore gjatë rregullimit të rrugëve. Komuna e Rahovecit do të bëjë përpjekje të pareshtura që rrjeti i furnizimit me ujë të shtrihet deri te qytetari i fundit i komunës dhe të funksionalizohet plotësisht në ato pjesë ku ka defekte apo probleme të natyrave të ndryshme, ka thënë kryetari Latifi.

Kontrolloni gjithashtu

Komuna e Vitisë organizon tryezë diskutimi për aktivizimin kundër dhunës ndaj gruas

Komuna e Vitisë, përmes zyrës së kryetarit dhe Zyrës për Barazi Gjinore, ka mbajtur sot …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara