Sot, kryetari Latifi me bashkëpunëtorë, zhvilluan takim dhe bashkëbisedim me personelin shëndetësor të QKMF-së “Dr. Fahredin Hoti” në Rahovec. Me punëtorët shëndetësorë, diskutuan për gjendjen e përgjithshme të shëndetësisë në komunën e Rahovecit, për mundësitë e rritjes në vazhdimësi të cilësisë së shërbimeve dhe për investimet kapitale që po bëhen dhe ato që planifikohen të bëhen në sektorin e shëndetësisë për këtë vit dhe në vitin 2025. U shprehu mirënjohje dhe falënderim për shërbimin dhe për angazhimin e tyre për mbrojtjen e shëndetit të qytetarëve të Rahovecit! Shëndetësia është një prej sektorëve kryesorë në fokusin tonë, tha më tutje kryetari Latifi.