Kryetari Latifi, mbanë takim me inspektorët komunal

16/01/2020 Institucionet

Kryetari i komunës së Rahovecit, Smajl Latifi ka mbajtur takim me inspektorët komunal, kërkon që të merren aksione për lirimin e trotuareve dhe masa ligjore për varreza të automjeteve dhe hekurishteve të cilat janë në komunën e Rahovecit. Gjatë takimit kryetari Latifi, ka kërkuar nga inspektorët që të marrin aksion për lirimin e trotuareve nga bizneset të cilët ekspozojnë mallin e tyre. Gjithashtu, të merret aksion edhe masa ligjore deri në mbyllje përmes revokimin të lejeve të varrezave të makinave bazuar në ligjet të cilat janë në fuqi. Hekurishtet janë jashtë çdo standardi, të pa rrethuara dhe duhet të kërkohet nga pronaret e tyre që të respektohen procedurat ligjore dhe veprimtaria e tyre të jetë konform standardeve të parapara me ligj. Në vazhdim të takimit kryetari Latifi ka thënë se në ditët në vijim do të ju dërgoj një listë me emra të qytetarëve që kanë bërë kërkesë për kushte ndërtimore dhe më pas nuk kanë bërë kërkesë për tu pajisur me leje ndërtimore, kjo po na paraqet edhe probleme në sistemin e intranetit pasi që përmes këtij sistemi plotësohet raportit të performancës komunale dhe sa më mirë që dalim në përformancë krijohen mundësi që të marrim donacione dhe projekte si nga qeveria gjithashtu edhe nga organizatat që veprojnë në Kosovë. Kurse, inspektorët kërkuan nga kryetari Latifi, që të kontraktohet kompania për rrënimin e ndërtimeve pa leje dhe kompania për konfiskimin e mallit të ekspozuar në trotuar nga ana e bizneseve. Në fund të takimit, kryetari u ka thënë inspektorëve se për temat që e diskutuara pres që të kemi rezultate pozitive dhe të rritet besimi i qytetarëve në institucionet komunale. Për punën tuaj që jeni duke e bërë, Ju do të keni mbështetjen institucionale.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara