Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i komunës së Rahovecit Smajl Latifi, i shoqëruar nga drejtori i Arsimit Avni Morina dhe nga drejtori i shkollës, kanë përurua fillimin e zbatimit të projektit të fituar nga Shkolla Fillore e Mesme e Ulët “Gëzim Hamza-Piktori”. Projekti i fituar titullohet “Kidpreneurship – Think – Design – Create.” – “Mendo – Dizajno – Krijo”! Shkolla Fillore e Mesme e Ulët “Gëzim Hamza – Piktori” nga ky projekt ka përfituar, siç vijon:
2 Printerë 3D ;
2 Kompjuterë;
1 Foto aparat ;
1 Projektor ;
1 Perde për projektor ;
4 Tavolina pune ;
1 Tavolinë takimesh ;
– Intervenim në enterierin e hapësirës fizike të ndarë për “Kidpreneurship – Think. Design. Create.”;
– Webfaqen e përbashkët për “Kidpreneurship – Think. Design. Create.”;
– Manualin “Kidpreneurs”; dhe,
– Trajnimin e mësimdhënësve të teknologjisë informative në këto fusha:
– Moduli “3D Modelim (dizajn)”
– Moduli “3D Printim”
– Moduli “Fotografim i produkteve”.
Projektit “Kidpreneurship – Think, Design, Create.” implementohet nga ETEA me mbështetjen e Këshillit Danez për Refugjatë (DRC) dhe financohet nga Sida – Agjencioni Suedez për Bashkëpunim në Zhvillim Ndërkombëtar e përfaqësuar nga Ambasada Suedeze në Kosovë (Sida). Zbatimi i këtij projekti do të mundësojë zhvillimin e ideve kreative të nxënësve dhe do të ndikojë drejtpërdrejtë në rritjen e cilësisë në arsim. Drejtori i Arsimit Avni Morina në emër të DKA-së dhe kryetarit të komunës, i ka falënderuar përzemërsisht këto organizata për vlerësimin real të aplikantëve, ku prej 68 shkollave aplikuese në mbarë vendin, shkolla e komunës së Rahovecit “Gëzim Hamza – Piktori” arriti të kualifikohet në radhën e 6 shkollave fituese në nivel vendi. Një falënderim të veçantë kam edhe për angazhimin e mësimdhënësve të kësaj shkolle, të cilët përcollën me përpikëri të gjitha etapat e kualifikimit dhe realizuan me sukses kriteret e aplikimit.
Urime të gjithë mësimdhënësve dhe nxënësve të SHFMU “Gëzim Hamza – Piktori”! ka thënë drejtori i Arsimit Morina.
