Kryetari Latifi priti në takim fituesit e Çmimit Letrar “SULEJMAN KRASNIQI”

30/12/2024 Institucionet

Kryetari i komunës së Rahovecit, z. Smajl Latifi priti zyrën e tij fituesit e Çmimit Letrar “Sulejman Krasniqi, çmim ky që nderon figurën e madhe të letrave dhe atdhetarisë, Sulejman Krasniqin.

Pas një vlerësimi profesional nga komisioni, këta janë fituesit:

Çmimi i parë: znj. Igballe Hoti Krasniqi, me poezinë “Mungesë”;

Çmimi i dytë: znj. Leonitë Parallangaj, me tregimin “Si të vrasësh nëpërmjet dashurisë”;

Çmimi i tretë: z. Ramë Oraca, me poezinë “Etje e pashuar”.

Këto çmime janë një simbol mirënjohjeje për ata që me fjalën e tyre i shërbejnë letërsisë, kulturës dhe kujtesës kombëtare.

Sulejman Krasniqi na ka lënë një trashëgimi të çmuar, dashurinë për atdheun dhe përkushtimin ndaj tij. Sot, teksa nderojmë fituesit dhe veprat e tyre, i kujtojmë vetes se, kultura dhe krijimtaria janë ura që lidhin të shkuarën me të ardhmen.

Le të vazhdojmë të frymëzohemi nga vepra e tij, duke e kthyer dashurinë për atdheun në vepra konkrete, siç na mësoi ai, ka shkruar në postimin e tij në facebook, kryetari i Rahovecit, z. Smajl Latifi.

Kontrolloni gjithashtu

Koncerti i jashtëzakonshëm nga AVK “Deçani” me muzikë dhe valle të traditave tona

Ansambli i Valleve dhe Këngës “Deçani” mbajti një koncert të jashtëzakonshëm për nder të festave …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara