Kryetari Latifi priti në takim zyrtarë të Ministrisë së Mbrojtjes

18/01/2024 Institucionet

Në një takim mbi dy orësh, kryetari i komunës së Rahovecit Smajl Latifi, i shoqëruar nga bashkëpunëtorët, priti zyrtarët e Ministrisë së Mbrojtjes, z. Shemsi Sylën, Zëvendësministër në Ministrinë e Mbrojtjes, z. Hajriz Sejdiun, Këshilltar në Ministrinë e Mbrojtjes, Nënkolonel Arben Avdylin, nga Shtabi i Përgjithshëm i FSK-së dhe z. Flamur Dinin, Asistent i zv. Ministrit, me të cilët diskutoi rreth gjendjes së përgjithshme në Komunën e Rahovecit.

Në takim u diskutua për:

▪Dokumentin për vlerësimin e rreziqeve (Rregulloren për metodologjinë e vlerësimit të rrezikut);

▪Planin Operativ Emergjent Lokal (Rregulloren për metodologjinë e hartimit të planeve të reagimit emergjent);

▪Planin e ushtrimeve dhe trajnimeve;

▪Nevojat për ngritjen e kapaciteteve (sipas llojit të rrezikut); dhe

▪Ofrimin e mbështetjes nga Ministria e Mbrojtjes dhe FSK-ja.

Kryetari Latifi, iu dorëzoi: Dokumentin e vlerësimit të rreziqeve nga fatkeqësitë natyrore dhe fatkeqësitë tjera, të cilët e vlerësuan si shumë të rëndësishëm dhe model për komunat tjera. Ndërsa, zyrtarët e Ministrisë, shprehën gatishmërinë që të ketë koordinim në planet rreth fatkeqësive natyrore, ngritjen e kapaciteteve komunale për menaxhimin e fatkeqësive, organizimin e trajnimeve të ndryshme me grupet vullnetare dhe gatishmërisë emergjente në Komunën e Rahovecit. Në fund, palët e falënderuan njëri-tjetrin për zhvillimin e këtij takimi produktiv dhe për bashkëpunimin e mëtejmë!

Kontrolloni gjithashtu

Smajl Latifi: Në 26-vjetorin e rënies heroike përkujtuam dëshmorët e kombit, Visar Hotin dhe Safet Latifin

Kryetari i komunës së Rahovecit, z. Smajl Latifi, në 26-vjetorin e rënies heroike, në vendin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara