Kryetari i komunës së Rahovecit, z. Smajl Latifi, së bashku me familjarë të dëshmorëve e martirëve, përfaqësues të Organizatës së Veteranëve të Luftës së UÇK-së, dhe bashkëqytetarë të shumtë, sot nderuan kujtimin për tërë atë sakrificë sublime të 9 dëshmorëve të kombit dhe 34 martirëve nga Hoça e Vogël.
“Më 2 prill 1999, forcat serbe kryen një krim të pashlyeshëm, duke ua marrë jetën 14 fëmijëve të pafajshëm dhe qytetarëve të tjerë të cilët ishin strehuar në Nagac, në fshatin që u bombardua nga aeroplanët luftarak të armikut e që la plagë të thella në këtë vend që kurrë nuk u dorëzua.
Sot, në këtë vend të shenjtë, kujtojmë ata që ranë, duke e bërë të përjetshme lidhjen me tokën tonë të larë me gjak dhe me amanetin e tyre, për të jetuar të lirë dhe krenarë në hisen e Diellit që na takon.”- u shpreh Kryetari Latifi.
Lavdi e përjetshme dëshmorëve dhe martirëve nga Hoça e Vogël!
Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
