Kryetari Latifi vizitoi fabrikën e miellit “M&Sillosi”

05/02/2018 Institucionet

Kryetari i Komunës së Rahovecit, Smajl Latifi, i shoqëruar nga Fatmir Iska, nënkryetari i Komunës, drejtori i Inspeksionit Besnik Hoti dhe Ervin Hoxha drejtor i DKRS, kanë vizituar fabrikën e miellit “M&Sillosi”, ku janë pritur nga drejtori, Dardan Shala. Në takim u bisedua për bashkëpunimin në mes të Komunës dhe fabrikës “M&Sillosi”. Kryetari i Komunës së Rahovecit, Smajl Latifi, gjatë vizitës së bërë fabrikës së miellit “M&Silosi” e ka përgëzuar stafin për punën e bërë dhe për rezultatet e arritura, rezultate këto siç tha ai të cilat janë vlerësuar edhe jashtë Republikës së Kosovës. Gjithashtu, Kryetari Latifi, drejtuesve të fabrikës u premtoj bashkëpunim dhe përkrahje të vazhdueshme institucionale. Drejtori i fabrikës së miellit “M&Sillosi” Dardan Shala, e ka falënderuar Kryetarin Latifi, për vizitën dhe ofrimin e bashkëpunimit. Ai e ka njoftuar me gjerësisht Kryetarin Latifi, për fabrikën duke thënë se “M&SIllosi” është furnizues ndërkombëtar dhe prodhues më i madh në rajon me miell me cilësi të lartë. Prodhimet në fabrikë janë në kuadër të standardeve më të larta ISO dhe HACCP duke përfshirë standardin më të lartë në botë të sigurisë ushqimore FSSC 22000, IFS dhe BRC.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara