Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Nismës Socialdemokrate, Fatmir Limaj, duke folur për marrëveshjen e demarkacionit me Malin e Zi, ka thënë për TV Dukagjini se marrëveshjet ndërkombëtare janë nacionale dhe duhet unitet ndërmjet partive politike. Limaj ka thënë se Kosovën e presin ditë të vështira. “Na duhet më u ulë afër dhe bashkë që të përgatitemi për sfidat që e presin Kosovën. Mirë është që na këtu njërin-tjetrin për ta kuptuar”, ka thënë ai.
“Për mua e rëndësishme është që Mali i Zi ka bërë një hap të rëndësishëm. Të vullnetit të mirë. Për të bërë atë veprimin që e bëmë javën e kaluar”, është shprehur Limaj. Lideri i partisë Nisma Socialdemokrate ka bërë me dije se Kosova duhet që brenda kësaj jave ta ratifikojë marrëveshjen e demarkacionit me Malin e Zi. Ai ka thënë se javën e ardhshme Kosovën do ta vizitojnë disa personalitete nga BE-ja dhe, sipas tij, Kosova duhet që t’i pres ata me lajme pozitive.
