Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komunës së Skenderajt Fadil Nura, drejtoresha e Shëndetësisë dhe Mirëqenies Sociale, Rrezarta Hasani – Ibrahimi dhe drejtori i Qendrës Kryesore të Mjekësisë Familjare, dr.Agron Mehmeti së bashku me stafin dhe mjekët e QKMF-së, kanë pritur në ambientet e spitalit të qytetit, ministrin e Shëndetësisë së Kosovës, dr.Rifat Latifi me bashkëpunëtorë, i cili që në fillim të bashkëbisedimit, tha se vizita në Skenderaj është ndër më të emocionuarat. Kjo për faktin se është nga komuna e Skenderajt dhe për arsyeje të bashkëpunimit me mjekët dhe profesionistët shëndetësore të kësaj ane. Qëllimi i vizitës së ministrit ishte të njihet për së afërmi me punën dhe shërbimet që ofrohen në QKMF-në e qytetit dhe sistemin në tërësi të shëndetësisë, si dhe të ofrojë gatishmëri për të përkrahur Komunën e Skenderajt në projekte të fushës së shëndetësisë. Kryetari Nura duke i uruar mirëseardhje, e ka falënderuar ministrin Latifi, për vullnetin që të ndihmojë shëndetësinë në Skenderaj, me anë të projekteve qoftë infrastrukturore apo të fushave tjera. Ministri Latifi e ka përgëzuar Komunën e Skenderajt për sistemin e organizuar shëndetësor, ndërsa ka shprehur gatishmërinë që të përkrahë projekte në interes të sistemit shëndetësor dhe të qytetarëve. Palët janë pajtuar gjithashtu që të vazhdohet me kujdes nga ana e qytetarëve, tani kur rastet me COVID-19 janë shtuar, si dhe është bërë thirrje për vaksinim.
