Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në shënim të 578 vjetorit të Besëlidhjes së Lezhës, ku janë organizuar një sërë aktivitetesh nga Bashkia e Lezhës, me ftesë të kryetarit të Bashkisë, Pjerin Ndreu, ka marrë pjesë edhe kryetari i Komunës së Skenderajt, Fadil Nura. Në aktivitetin kryesor të mbajtur në qytetin e Lezhës, ku kanë marrë pjesë një numër i madh i kryetarëve të bashkive të Shqipërisë, të komunave të Kosovës dhe trevave tjera shqiptare, është folur për rëndësinë e ngjarjes historikë të shqiptare, siç është Besëlidhja e Lezhës, që më 2 mars ishte organizuar për herë të parë nga heroi ynë kombëtar Gjergj Kastrioti – Skenderbeu. Kryetarit të Komunës së Skenderajt, Fadil Nura dhe atij të Prishtinës, Përparim Rama, iu është organizuar edhe pritje zyrtare në Bashkinë e Lezhës, ku janë pritur nga kryebashkiaku, Pjerin Ndreu. Kryetari Nura në fund të vizitës zyrtare në Shqipëri, ka vendosur kurora me lule te varri i heroit tonë kombëtar, Gjergj Kastrioti – Skenderbeu.
