Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në mënyrë që të promovojnë një edukimi gjithëpërfshirës parashkollor në Kosovë, në përputhje me standardet e zhvillimit dhe të mësuarit në fëmijërinë e hershme dhe për ta lehtësuar integrimin e fëmijëve në sistemin e edukimit parafillor në Kosovë, Kyretari i Komunës së Klinës, z. Sokol Bashota dhe Caritasi Zviceran nënshkruan një marrëveshje për të zbatuar një bashkëpunim të veçantë në projektin e edukimit parashkollor.
Nënshkrimi i kësaj marrëveshje bashkëpunimi ka të bëjë me projektin për mobilimin e klasave parafillore duke ofruar pajisje moderne, për të kontribuar në zbatimin e arsimit të detyrueshëm në Kosovë. Gjithashtu zbatimin e një trajnimi profesional të quajtur “Të mësuarit dhe zhvillimi i fëmijës përmes lojës” me bazë praktikën. Trajnim që është licencuar nga MASHT-i, për edukatore e mësuese parashkollore, në përputhje me kurrikulën dhe standardet e edukimit parashkollor në Kosovë. Si dhe fokusim i veçantë në edukimin gjithëpërfshirës të fëmijëve në sistemin shkollor publik.
Kryetari Bashota i falënderoj përfaqësuesit e Caritas-it Zviceran si dhe organizatën në fjalë për këtë bashkëpunim dhe përkrahje të arsimit parafillorë në Klinë duke uruar që bashkëpunimi në mes të Komunës së Klinës dhe Caritas-it Zviceran të vazhdojë edhe me projekte të tjera në të ardhmen.
