Kryetari Suma, takim me zyrtarë nga Këshilli i Sigurisë së Kosovës

16/03/2018 Institucionet

Kryetari i komunës së Hanit të Elezit Rufki Suma priti në takim pune Bekim Podrimqaku dhe Kujtim Bytyqi nga Këshilli i Sigurisë së Kosovës. Kryetari Suma dhe mysafirët biseduan lidhur me Strategjinë për Parandalim të Ekstremizmit të Dhunshëm dhe Radikalizmit që shpie në Terrorizëm 2015-2020 dhe Planin e Veprimit. Plani i Veprimit është projektuar për të zbatuar objektivat strategjike përmes aktiviteteve specifike dhe konkrete për Parandalim të Ekstremizmit të Dhunshëm dhe Radikalizmit që shpie në Terrorizëm e cila është miratuar nga Qeveria e Republikës së Kosovës në shtator të vitit 2015. U biseduan përgjegjësit e parapara në Planin e Punës për vitin 2018 në zbatimin e Planit te Veprimit në Komunat e ndryshme në Kosovë duke shkëmbyer informatat nga ana e Sekretariatit në lidhje me zbatimin e Strategjisë dhe Planin e Veprimit, rolin dhe përgjegjësitë e nivelit lokal sa i përket zbatimit të aktiviteteve në Planin e Veprimit, informim i dyanshëm në lidhje me aktivitetet dhe projektet që zhvillohen dhe që do të zhvillohen nga niveli lokal si dhe vazhdimin e bashkëpunimit të nivelit lokal dhe atij qendror në lidhje me zbatimin sa më efikas të Strategjisë dhe Planin e Veprimit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara