Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Republikës se Kosovës, Hashim Thaçi, ka thënë se me dhimbje ka marrë lajmin për vdekjen e ish-kryeministrit të Kosovës Bajram Rexhepi, maturia, sinqeriteti, afërsia dhe guximi i të cilit ishin shembull për të gjithë kolegët e tij. “Me dhembjen më të madhe e pranova lajmin për vdekjen e mikut tim, kolegut tim, Bajram Rexhepit, kryeministri i parë i Kosovës, burrështetas dhe politikan që ka prekur jetët e të gjithëve me urtinë e tij. Maturia, durimi, por edhe guximi për të vepruar kur duhej, ishin shembull për të gjithë kolegët e tij. Sinqeriteti, afërsia dhe respekti i tij ishin shembull për të gjithë miqtë e tij. Të gjithëve do të na mungojë si mik, si koleg, si shembull. Me mendjet dhe me zemrat tona jemi me familjen e Bajramit, duke i shprehur ngushëllimet më të thella e duke i uruar forcë e durim, por edhe krenari në këto ditë të vështira”, ka shkruar Thaçi.
Ndërkohë edhe ish-kryetarja e vendit, Atifete Jahjaga, ka shprehur ngushëllimet e saja lidhur me vdekjen e ish-kryeministrit kosovarë, Bajram Rexhepi. Ka qenë nder ta takoj gjatë rrugëtimit në procesin e shtetndërtimit të vendit tonë. “Sot me pikëllim të thellë morëm lajmin për vdekjen e ish-kryeministrit të Kosovës, zotëri Bajram Rexhepit. E kam pasur nderin ta takoj gjatë rrugëtimit tim profesional dhe kënaqësinë ta njoh personalisht përgjatë filleve të vështira të shtetndërtimit të Kosovës dhe këtyre viteve sfiduese për të gjithë ne. Ngushëllime familjes Rexhepi. Humbja juaj është humbje për të gjithë ne”, ka shkruar ish-kryetarja Jahjaga.
