Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i vendit, Hashim Thaçi ka njoftuar nëpërmjet postimit në adresën e tij elektronike se gjatë qëndrimit në Kanada është takuar me guvernatorit të Përgjithshëm të këtij vendi, David Johnston. Ne diskutuam gjerë e gjatë për marrëdhëniet e shkëlqyera mes Kosovës dhe Kanadasë, për mundësitë e përbashkëta të rritjes së bashkëpunimit në fushat strategjike të ekonomisë, si energjia, minierat, kërkimi i arit dhe bujqësia. Guvernatorin Johnston e ftova për të vizituar Kosovën dhe për të parë nga afër të arriturat e vendit tonë, si dhe për t’i dhënë shtytje projekteve tona të përbashkëta dhe thellimit të mëtejmë të marrëdhënieve të shkëlqyera mes Kosovës dhe Kanadasë. Takimin e përfunduam me përshtypjet më të mira për vlerat e përbashkëta që ndajmë dhe u sigurova nga miku ynë se Kanadaja do të vazhdojë të qëndrojë përkrahë Kosovës në rrugëtimin vizionar drejt integrimeve euroatlantike”, ka shkruar kryetari, Hashim Thaçi në rrjetin social Facebook.
