Kryetari Thaçi, ka pritur në takim komandantin e parë të KFOR-it në Kosovë, gjeneralin, Michael Jackson

Kryetari Thaçi, ka pritur në takim komandantin e parë të KFOR-it në Kosovë, gjeneralin, Michael Jackson

Kryetari i Kosovës, Hashim Thaçi, ka pritur komandantin e parë të KFOR-it në Kosovë, gjeneralin, Michael Jackson, të cilin e ka dekoruar me Medaljen Ushtarake për Shërbim në Kosovë. Gjeneralit Sir Jackson kjo medalje i është ndarë për kontributin e tij në shërbim të paqes, sigurisë dhe stabilitetit në Kosovë gjatë mandatit të tij si komandant i KFOR-it në Kosovë. “Roli i gjeneralit Jackson ka qenë i pazëvendësueshëm, i jashtëzakonshëm, historik për paqen, stabilitetin, demokracinë dhe prosperitetin në Kosovë dhe në rajon”, ka thënë me këtë rast kryetari, HashimThaçi. Gjenerali Jackson, është shprehur mirënjohës për dekoratën dhe mikpritjen që i është bërë në Kosovë. “U ktheva në Kosovë shtatëmbëdhjetë vite që kur kisha ardhur këtu për herë të parë, kur, më duhet të them, kisha ardhur pa pasaportë. Është e mrekullueshme për të parë se sa shumë progres keni arritur që nga ajo kohë”, ka thënë gjenerali Jackson.

Kontrolloni gjithashtu

Përplasja mes presidentes Vjosa Osmani dhe qeverisë në detyrë për tarifën ndaj ShBA-ve

Vendimi i Presidentit të ShBA, Donald Trump, për të vendosur tarifën prej 10% ndaj Kosovës …