Kryetari, Hashim Thaçi, ka udhëtuar për në Bruksel, me ç’ rast pritet të takohet me përfaqësuesen e Lartë të Bashkimit Evropian për Punë të Jashtme dhe Politika të Sigurisë, Federica Mogherini. Gjatë qëndrimit në Bruksel Thaçi do të bisedojë edhe me kryetarin e Parlamentit Evropian, Martin Schulz dhe me zyrtarë të tjerë të Bashkimit Evropian. Temat e bisedimeve në selinë e BE-së, në Bruksel nuk janë bërë të ditura, por jozyrtarisht mësohet se BE-ja do të kërkojë nga Thaçi vazhdimin e dialogut me Serbinë, edhe pse Beogradi zyrtar nuk ka realizuar asnjërën prej marrëveshjeve të arritura.
![Mogherini Thaçi](https://www.radiokosovaelire.com/wp-content/uploads/thaci-mogherini-660x330.jpg)