Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetarja e Hungarisë, Katalin Novak, po qëndron për një vizitë në Shqipëri. Ajo është pritur me ceremoni zyrtare nga kryetari i Shqipërisë, Bajram Begaj. Zyra e shtypit në Presidencë, ka bërë të ditur m këtë rast se në qendër të bisedimeve, do të jenë zhvillimi i marrëdhënieve politike dhe ekonomike midis dy vendeve, bashkëpunimi me Hungarinë në funksion të procesit të integrimit të Shqipërisë dhe vendeve të tjera të Ballkanit Perëndimor, zhvillimet në rajonin e Ballkanit Perëndimor, si dhe zhvillimet e reja gjeopolitike të ndikuara nga agresioni ushtarak rus në Ukrainë. Kryetarja, Katalin Novak ka deklaruar se Hungaria ka dërguar mbi 400 trupa në Kosovë si pjesë e KFOR dhe shpreson që situata të qetësohet dhe të gjendet rruga drejt paqes afatgjate. Ballkani është shumë i rëndësishëm se është peng i sigurisë së Europës. Paqja në Ballkan është e rëndësishme për sigurinë. Do i mbështesim në integrimin e tyre në BE. Dua të theksoj 5 tema që folëm, integrimi euroatlantik, luftën në Ukraine, bashkëpunimin ekonomik, emigrimin ilegal dhe demografinë. Në radhë të parë, në lidhje me Ballkanin, më e rëndësishëm është stabiliteti, tha kryetarja e Hungarisë, Katalin Novak, gjatë vizitës në Tiranë.
