Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetarja e sapo zgjedhur e Maqedonisë së Veriut, Gordana Silianovska, ka bërë betimin në një seancë të posaçme të Kuvendit maqedonas. Ajo gjatë betimit e quajti vendin “Maqedonia”, edhe pse në tekstin e betimit, të cilin e lexoi kryetari i Kuvendit në largim, Jovan Mitreski, i bëri thirrje Silianovskës që ta përsërisë atë si “Maqedonia e Veriut”. Ambasadorja e Greqisë në Maqedoninë e Veriut, Sofia Filippidu, e ftuar në seancën e Kuvendit për betimin e Silianovska, braktisi seancës në shenjë proteste për faktin se zonja Silianovska, referohej vendit si “Maqedoni” gjatë betimit të saj, në kundërshtim me Marrëveshjes e Prespës. Ajo u zgjodh kryetare e Maqedonisë së Veriut në raundin e dytë të zgjedhjeve presidenciale, më 8 maj, si kandidate e VMRO-DPMNE-së, duke mposhtur presidentin aktual të vendit, Stevo Pentarovski. Paralelisht me raundin e dytë të zgjedhjeve presidenciale, në vend u mbajtën edhe zgjedhjet parlamentare, në të cilat partia opozitare e djathtë VMRO-DPMNE fitoi një fitore të madhe, duke marrë 58 nga 120 vendet në Parlament. Kjo parti filloi negociatat me koalicionin e partive opozitare shqiptare, vasale, për formimin e qeverisë.
